Ракометниот репрезентативец Филип Талески смета дека утрешниот меч со Хрватска (18 часот) ќе биде клучен за натамошниот пласман на Светското првенство во ракомет кое е во тек во Германија и во Данска.

Треба да бидеме максимално фокусирани. Тоа за нас е клучниот меч. Ќе се подготвиме максимално и ќе бидеме подготвени, изјави по натпреварот со Бахреин Талески.

Македонската репрезентација утре ќе се соочи со Хрватска, а потоа ќе следуваат дуелите против Шпанија и против Исланд.

Македонската ракометна репрезентација е со максимален учинок по двата одиграни напревара од прелиминарниот групен сегмент на Светското првнество. Забележа и победа над Бахреин и сега е во очекување на дуелите со драстично посилните протвници, веќе утре против Хрватска.

Не беше лесно, можам да кажам дека Бахреин е квалитетен противник, ќе имаат шанса да изненадат некој од фаворитите. Одигравме максимално во одбраната каде и што го добивме натпреварот, рече Талески.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.