Капитенот на РК Вардар, Стојнче Стоилов, на вчерашната прослава за освојувањето на најелитниот ракометен трофеј во Европа, пред илјадниците присутни на плоштадот Македонија ги поздрави ракометарите за кои ова се последните натпревари во боите на европскиот шампион.

Како што веќе беше најавено, својата мисија во Вардар ја заврши тренерот Роберто Гарсија Парондо, кој заминува на селекторската позиција за репрезентацијата на Египет.

По седум сезона, со Вардарци се збогува и Хрватот Игор Карачиќ, кој потпиша двегодишен договор со Келце. Бразилецот Рожерио Мораес се сели во унгарски Веспрем, додека голманот Дејан Милосављев ќе брани за бундеслигашот Фуксе Берлин.

Глеб Калараш и Дмитри Кисељов ќе одат во Мотор, односно во Чеховски Медведи, а она што Стоилов го откри синоќа е дека по три сезони во Вардар, од клубот заминува и Јања Војводиќ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.