Конечно победа, победа во вистински момент. Со триумфот над Чиле, нашите ракометари се пласираа во следната фаза, она што и беше основниот план и амбиција на нашата експедиција на СП во Египет.

А таму сме во групата 4, и тоа со селекциите на Русија, Белорусија и Словенија. Се игра во Каиро во “Халс комплексот“.

Почнуваме на 20 јануари, значи веќе во среда и тоа против второпласираниот тим од групата “Х“. Ќе мораме да почекаме до 20 часот вечерва и крајот на мечот меѓу овие две селекции да видеме како ќе се распоредат тие три селекции на табелата.

Ние и дефинитивно сме трети во групата “Г“.

Значи почнуваме на 20 јануари, вториот меч го играме на 22 јануари, а третиот два дена подоцна.

Лошо е тоа што во таа група 4, Македонија тргнува без бодови.

Извор: Спорт Медиа



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.