Вардар и Веспрем вечерва од 18:45 часот во „Јане Сандански“ го играат првиот меч од осминафиналето во Лигата на шампиони.

Веќе е јасно дека Стевче Алушовски ќе ги има на располагање сите ракометари за вечерашната пресметка. Односно нема никакви проблеми, па така „црвено-црните“ со најсилен состав ќе „удрат“ на унгарскиот претставник.

Хрватскиот интернационалец Ловро Јотиќ, кој минатиот викенд се врати на терените по еден месец пауза ќе биде во составот што го одбра тренерот Стевче Алушовски.

Тој одлучи за овој натпревар да ги осави надвор од ростерот Марко Мишевски, Стефан Атанасовски, Мартин Карапалевски и Марко Кизиќ. По паузата поради повреда и двата настапи во Купот, на мечот од ЛШ во составот ќе биде и полскиот интернационалец Патрик Валчак.

Кај Веспрем, освен одамна повредениот Лауге, од списокот отпаднаа и Хорхе Македа и Кентан Мае.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.