Филип Кузмановски освои само бод во дресот на Хановер, додека репрезентативниот голман Мартин Томовски се соочи со уште еден пораз на Лудвигсхафен во денешните натпревари од ракометната Бундеслига.

Хановер му гостуваше на незгодниот Ерланген, кој во минатото коло убедливо го победи Лајпциг, а денеска стигна до реми со резултат 21:21 против Кузмановски и неговите соиграчи, пишува „Дерби.мк“

Македонскиот бек постигна 5 голови за Хановер и тоа без промашување, а поефикасен од него бил само Мартиновиќ со 8 погодоци. Сепак, тоа не беше доволно за победа, па овој неизвесен дуел заврши со по еден бод за двете екипи, при што Ерланген израмнувал во последните секунди.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.