Лора Кларк жител на американската држава Кентаки е линискиот судија кој вчера случајно беше погодена од најдобриот тенисер во светот Новак Ѓоковиќ, а последиците беа негово исклучување од УС Опен.

Членовите на нејзиното семејство за светските медиуми изјавиле дека таа е личноста која беше ненамерно удрена со топката во вратот од фаворитот на овој турнир.

Инцидентот се случи пред крајот на првиот сет, каде резултатот беше 6: 5 во корист на 20. носител Пабло Карен Буста.

Кларк по незгодата падна на земјата и се фати за грлото, а откако забележа што се случи тенисерот веднаш се обиде да и помогне.

Лора Кларк е долгогодишна судијка на АТП-турнирите, а е љубител на вино и други алкохолни пијалоци, објавуваат медиумите.

Додаваат дека таа сака кантри музика, а особено го обожува бендот на Зак Браун.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.