Македонската хокеарска репрезентација феноменалната низа на резултати ја заокружи со завршна победа во големото финале на „Девелопмент купот“, остварувајќи голем триумф над селекцијата на Португалија која едноставно се покажа како недораснат противник за нашата селекција.

„Црвено-жолтите“ стигнаа до биланс од пет победи на пет одиграни натпревари на турнирот кој се одржа во германскиот град Фусен, докажувајќи дека немаат достоен ривал во оваа конкуренција на репрезентации кои немаат изградено затворени хокеи арени.

Како и во вчерашното полуфинале со Андора, Македонија тргна фуриозно уште на самиот старт, а прашањето околу победникот беше решено по втората третина во која нашите хокеари имаа предност од 7:1. Во последниот период, победата беше потврдена со конечни 9:3, а на тој начин беше повтрден златниот медал кој сосема заслужено замина во рацете на нашите хокеари.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.