Здружението на лекари во Токио повика на откажување на Олимписките игри на околу два месеци пред нивниот почеток во јапонската престолнина поради пандемијата на коронавирусот, наведува ДПА.

Во писмо испратено до јапонскиот премиер Јошихиде Суга, меѓудругите, групата од околу 6.000 лекари побара од владата и организаторите да се консултираат со Меѓународниот олимписки комитет (МОК) за откажување на Игрите.

„Откажувањето на настанот што има потенцијал да го зголеми бројот на инфекции и смртни случаи е вистинскиот избор“, наведуваат лекарите во писмото.

И локалните организатори и МОК остануваат упорни дека Игрите, одложени за една година поради пандемијата, можат да почнат според планираното на 23 јули, пренесува ДПА.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.