Полскиот репрезентативец во скијачки скокови Давид Кубацки триумфираше попладнево на втората етапа од новогодишната турнеја „Четири скокалници“, поставувајќи нов рекорд на скокалницата во Гармишпартенкирхен .

Кубацки до својата петта победа во кариерата стигна со скокови од 139 метри во првата, и рекордни 144 метри во втората серија.

Второто место го освои водечкиот во генералниот пласман, Норвежанецот Халвор Егнер Гранеруд, со скокови од 137 и 136 метри, додека место на подиумот имаше и за сонародникот на Кубацки, Пјотр Жила (129.5 и 137 метри)

Новогодишната турнеја „Четири скокалници“ се сели в недела во Инсбрук.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.