Кошаркарот на Голден Стејт, Стеф Кари, се запиша во историјата НБА лигата, соборувајќи го рекордот на Реј Ален за постигнати тројки. Во победата на Голден Стејт протрив Њујорк со 105:96, на Кари му беа потребни само три обиди да ја погоди својата втора тројка и да постави нов тројкашки рекорд.

Со тој погодок, Кари дојде до  2.974-та тројка во кариерата со што го собори рекордот на Ален (2.973) што го постави во 2011 година како член на Бостон. Освен што го презема рекордот за вкупниот број на постигнати тројки, Кари е единствениот кошаркар во историјата на НБА кој во една сезона постигнал најмалку 400 тројки.

По рушењето на рекордот, Кари доби овации во легендарната „Медисон Свер Гарден“ , во која покрај неговите родители, беа присутни и довчерашниот рекордер Реј Ален, како и уште една НБА шутерска легенда, Реџи Милер.

Кари натпреварот го заврши со 22 поени, погодувајќи вкупно пет тројки од 14 обиди.

Резултати од останатите натпревари:

Бруклин – Торонто  131:129 (прод.)

Портланд – Феникс  107:111 (прод.)

Чикаго – Детроит  (одложена)



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.