Кошаркарите на МЗТ Скопје Аеродром по осми пат го освоија шампионскиот трофеј во македонското првенство, откако попладнево го победија Еуро Никел со 89:78 (21:23, 25:21, 25:18 и 18:16).

Со вкупни 3-0 во финалната серија „сино-белите“ од Аеродром заслужено дојдоа до двојната круна во сезоната 2020/21. Претходно победија и во Купот на Македонија.

На денешниот меч најефикасен во победничкиот тим беше Андреј Магдевски со 21 поен, кај гостите од Кавадарци се истакнаа Роберт Рикиќ и Никола Караколев со по 16 поени.

Трофејот на капитенот на МЗТ Дамјан Стојановски му го предаде претседателот на кошаркарската федерација Перо Антиќ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.