Леброн Џејмс реализира трипл-дабл од 32 поена, 11 скокови и 11 асистенции со што ги предводеше Лос Анџелес лејекрс до победа во Хјустон со 132:123.

Со ваквиот поентерски учинок, Леброн дојде до 36.000 поени во кариерата и стана само третиот кошаркар во историјата на НБА лигата со такво достигнување. Пред првата ѕвезда на Лејкерси на листата на најдобри стрелци во НБА се Карим Абдул-Џабар со 38.387 поени и Карл Мелоун со 36.928 поени.

Сјајната вечер за „златно-жолтите“ од ЛА ја надополни Расел Вестбрук, кој исто така реализира трипл-дабл со 24 поени, 12 скокови и 10 асистенции, што е седмипат за него сезонава да има  двоцифрен улинок во три статистички категории.

Ова е само третпат во историјата двајца кошаркари на Лејкерс да реализираат трипл-дабл во ист натпревар. Леброн е дел од уште едне од тие случаи, кога му се придружи Лонзо Бол, додека третиот такоб ефект го имаат легендите Меџк Џонсон и Карим Абдул Џабар.

Вториот пик на овогодинешниот драфт, Џејлен Грин, бешѓе најефикасен кај Хјустон со 24 поени, откако не играше на 15 од последните 16 натпревари поради повреда на задната ложа. Кристијан Вуд и Кевин Портер јуниор додадоа по 22 поени.

Резултати на останатите натпревари:

Орландо – Милвоки  110:127

Мајами – Вашингтон  119:112

Торонто – Филаделфија  109:114

Минесота – Њујорк  88:96

Њу Орлеанс – Кливленд  108:104

Голден Стејт – Денвер  86:89

Сакраменто – Оклахома  117:111



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.