Џоел Ембид постигна 17 од своите 41 поен во четвртата четвртина со што ја предводеше Филаделфија до превсрт во финишот до победа во Бостон со 108:103. Ембид погоди три шута во самиот финиш, како и три слободни фрлања во последните четири секунди за обезбедување на триумфот. Тој помина 40 минути на теренот, негов сезонски рекорд за натпревар на кој не се играло продолжение.

Сет Кари додаде 26 поени за Филаделфија, чиј претходен натпревар против Њу Орлеанс во неделата беше одложен поради тоа што тимот немаше барем осум здрави кошаркари. Филаделфија и на оваа средба имаше три играчи во Ковид протокол, но затоа пак, кај Бостон таков статус имаа дури седум кошаркари.

Поради таквата состојба, Бостон мораше да потпише 10-дневен договор со ветеранот Си-Џеј Мајлс, кој немаше настап на НБА натпревар повеќе од две години.

Џејлен Браун постигна 30 поени, Џејсон РТејтум имаше 17, а Енес Кантер реализира 15 поени и 11 скокови за Бостон, кој во последната четвртина влезе со водство од 80:75.

Резултати на останатите натпревари:

Чикаго – Хјустон  133:118

Мемфис – Оклахома  99:102

Јута – Шарлот  112:102

Голден Стејт – Сакраменто  113:98

ЛА Клиперс – Сан Антонио  92:116

Торонто – Орландо  (одложена)



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.