Кевин Дурант постигна, сезонава рекордни во НБА, 51 поен за победа на Бруклин против Детроит со 116:104.

Таквата партија на Дурант, кој постигна барем по 10 поени во секоја четвртина, беше неопходна со оглед на тоа што Детроит водеше со 91:86 по три четвртини. Сепак, Дурант постигна седум поени во серијата од 11:0 со којашто Бруклин ја отвори четвртата четвртина и ја доби со резултат 30:13.

За Бруклин, во чии редови не настапи Џејмс Харден, Пети Милс со 18 постигнати поени беше втор стрелец во тимот.

Првиот пик на овогодинешниот драфт, Кејд Канингхем беше најефикасен кај Детроит со 26 поени, додека Френк Џексон додаде 25 за најслабата екипа во Источната конференција, која го забележа 12-от пораз по ред.

Резултати од останатите натпревари:

Њујорк – Милвоки  97:112

Оклахома – Далас  84:103

Сан Антонио – Њу Орлеанс  112:97

Портланд – Минесота  111:116

ЛА Лејкерс – Орландо  106:94

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.