Извршниот комитет на УЕФА одлучи Суперкупот да се игра на 24 септември 2020 година во Будимпешта пред ограничен број на гледачи – до 30 отсто од капацитетот на стадионот.

Тоа значи дека на натпреварот во „Пушкаш Арена“ ќе може да присуствуваат околу 20 илјади гледачи.

Како што се наведува во официјалниот извештај, сите останати натпревари во европските натпреварувања и понатаму ќе се играат зад затворени врати, како што извршниот комитет одлучи на 9 јули 2020 година.

Се додава дека ситуацијата и понатаму ќе се следи.

Оваа одлука е донесена после состанокот кој УЕФА го одржа со своите 55 членки на 19 август.

Иако е важно да покажеме дека фудбалот може да продолжи во тешки времиња, без навивачи играта загуби дел од својот карактер. Се надеваме дека Суперкупот во Будимпешта ќе биде „проба“ после која гледачите ќе се вратат и на останатите натпревари, изјави Александар Чеферин, првиот човек на УЕФА.

Во УЕФА Суперкупот ќе се состанат Бајерн Минхен и Севиља.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.