Кризата предизвикана од пандемијата на Ковид-19 беше причина голем број фудбалски клубови да претрпат сериозни финансиски загуби, што пак, значително влијаеше на активностите на трансфер-пазарот.

Сепак, летово не изостанаа спектакуларните трансфери и високите суми платени за нови фудбалери. меѓу најскапо платените трансфери има и такви договорени пред пандемијата, како и реализирање на однапред договорените откупни клаузули за фудбалери земени лани на заем.

Со својата финансиска моќ и желба за засилување на своите редови предничеа клубовите оф англиската Премиер лига, но свое место на пазарот имаа и италијанските гиганти, Јувентус, Интер и Наполи, како и Барселона од Шпанија.

Ова се 25 најскапи трансфери што го одбележаа летово.

25. Серхио Регилон (30 милиони, Тотенхем)

Нов фудбалер на Тотенхем е 23-годишниот лев бек на Реал Мадрид, кој минатата сезона настапуваше како позајмен фудбалер во Севилја, со која стана шампион во Европа лигата.

24. Нелсон Семедо (30 милиони, Вулверхемптон)

Португалскиот 26-годишен десен бек е нов член на „волците“ по три сезони минати во Барселона

23. Родриго Морено (30 милиони, Лидс)

Нов соиграч на македонскиот репрезентативец Езџјан Алиоски стана 29-годишниот репрезентативeн напаѓач на Шпанија и досегашен фудбалер на Валенсија.

22. Оли Воткинс (30,8 милиони, Астон Вила)

Дваесет и четиригодишниот англиски напаѓач дојде на „Вила парк“ од Брендфорд.

21. Тринкао (31 милион, Барселона)

Португалскиот 20-годишен крилен напаѓач ги засили Каталонците од Брага.

20. Џонатан Дејвид (32 милиони, Лил)

Канадскиот офанзивен играч за врска Дејвид (20) во Франција се пресели од белгиски Гент.

19. Џовани Ло Селсо (32 милиони, Тотенхем)

Тотенхем ја реализираше откупната клаузула за 24-годишниот аргентински везист, откако тој мина една година во Лондон на позајмица од Бетис.

18. Весли Фофана (35 милиони, Лестер)

Францускиот стопер, на 19 годишна возраст, дојде на „Кинг Пауер Стејдиум“ од француски Сент Етјен.

17. Дони ван де Бик (39 милиони, Манчестер Јунајтед)

Холанѓанецот (23 години) потпиша за „црвените ѓаволи“ од Ајакс.

16. Фабио Силва (40 милиони, Вулверхемптон)

18-годишниот португалски напаѓач по трансферот од Порто стана најскапиот играч во историјата на Вулверхемптон.

15. Хаким Зијеч (40 милиони, Челзи)

Мароканецот (27) доаѓа во Англија по четири сезони минати во Ајакс.

14. Ашраф Хакими (40 милиони, Интер)

Мароканскиот 21-годишен офанзивен десен бек го засили Интер по две сезони во Борусија Дортмунд, каде што настапуваше како позајмен фудбалер од Реал Мадрид.

13. Диого Жота (44,7 милиони, Ливерпул)

Португалското крило (23) доаѓа од редовите на Вулверхемптон.

12. Лирој Сане  (45 милиони, Баерн Минхен)

Новиот крилен фудбалер (24) на европскиот шампион доаѓа од Манчестер Сити.

11. Нејтан Аке (45,3 милиони, Манчестер Сити)

25-годишниот холандски дефанзивец доаѓа на „Етихад“ по три сезони во Бурнемут.

10. Томас Парти (50 милиони, Арсенал)

Арсенал ја плати откупната клаузула на 27-годишниот играч од средниот ред од Гана во последниот ден од транфер периодот.

9. Мауро Икарди (50 милиони, ПСЖ)

ПСЖ ја искористи опцијата за откуп на договорот на 27-годишниот аргентински напаѓач, кој лани дојде како позајмен фудбалер од Интер.

8. Бен Чилвел (50,2 милиони, Челзи)

23-годишниот лев бек дојде меѓу „сините“ од редовите на Лестер.

7. Тимо Вернер (53 милиони, Челзи)

Шпицот на германската репрезентација (24) дојде од екипата на Лајпциг.

6. Алваро Мората (56 милиони, Јувентус)

Шпанскиот 27-годишен напаѓач се врати во „Старата дама“ од Атлетико Мадрид.

5. Миралем Пјаниќ (60 милиони, Барселона)

Босанскиот репрезентаивен играч од средината (30) се пресели на „Камп Ноу“ од Јувентус.

4. Рубен Диаш (68 милиони, Манчестер Сити)

23-годишниот португалски стопер се сели во Англија по три сезони во Бенфика.

3. Виктор Осимнех (70 милиони, Наполи)

Нигериецот (21) пред да стане најскапиот фудбалер во историјата на наполи настапуваше за француски Лил.

2. Артур (72 милиони, Јувентус)

24-годишниот Бразилски везист премина во Италија од Барселона.

1. Каи Хаверц (80 милиони, Челзи)

Баер Леверкузен ја заработи најголемата трансфер сума летово за преминот на 21-годишниот германски репрезентатовец во Лондон.

 

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.