Три нови случаи на заразени фудбалери со коронавирус се регистрирани во Пари Сен Жермен, објави францускиот клуб на Твитер.

Во пораката се вели дека играчите следат медицински протокол, имињата на заразените не се откриваат.

Во средата стана јасно дека тројца играчи на ПСЖ се позитивни на Ковид-19. Според медиумите, станува збор за Нејмар, Анхел ди Марија и Леандро Паредес.

На 10 септември, парижаните гостуваат кај Ленс во натпревар од првото коло на шампионатот. Според правилата на лигата, тренинзите на екипите мора да бидат откажани доколку некој клуб има четири позитивни тестови, а можни се и одложувања на натпреварите.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.