Менаџерот на Тотенхем, Маурисио Покетино, призна дека поразот од Ливерпул во финалето во Лигата на шампионите го довел до депресија.

Да, тоа беше тешко за мене. Имавме најубави три недели во подготовките за финалето и бевме бескрајно разочарани од начинот на кој изгубивме. Тоа беше многу лошо чувство, како чувството во 2002 кога како аргентински репрезентативец забележав нерешен резултат против Шведска и пораз од Англија за една недела од Светскиот куп. Ова се најлошите моменти во мојата кариера, рече 47-годишниот тренер.

По финалето со Ливерпул, тренерот на „петлите“ се качил на воз од Мадрид до Барселона и не излегувал 10 дена од неговиот дом.

Не сакав да излезам. Беше тешко, бидејќи бевме толку блиску до успехот. Мислам дека бевме подобри од Ливерпул. Малку детали ја направија разликата. Шампионите брзо се опоравуваат, можеби 10-15 дена, како што беше во мојот случај, Најлошо е на одмор, затоа што секој ден мислиш на истото, но кога ќе продолжите со тренинзи, лошите спомени остануваат во минатото. Огнот внатре во тебе повторно се појавува, додаде Покетино.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.