На 15.12.2021 почина Ванчо Георгиевски-Сурла, поранешен претседател на ФК Балкан Стококомерц.

Под негово раководство клубот мина четири ранга на натпреварување за четири сезони. Од Втората македонска-запад, преку Првата МФЛ, стигна до Третата сојузна лига – Исток, па до Втората сојузна југословенска лига (сезона 1991/992).

Тоа беа златни времиња на “Тајфунот од Чаир” под претседателската палка на Ванчо Георгиевски.

Ги сакаше фудбалерите, го сакаа и почитуваа и тие него. Имаше цврста рака и вредни соработници во управата, добар тренерски кадар, финансиска конструкција за успеси во тоа време…

Беше и кандидат за потпреседател на Фудбалскиот сојуз на Македонија на првите избори во самостојна држава Република Македонија.

Беше редовен гостин на предновогодишните средби на фудбалерите, управата и спортските новинари кои беа дел од најуспешната деценија во 100 годишната историја на Балкан во периодот 1988-1998 година …

Погребните останки ќе бидат изложени во капелата на градските гробишта Бутел во Скопје, утре (16.12.2021) од 13 часот.

Извор:https://makfudbal.mk/


Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.