Болницата „Алберт Ајнштајн“ во Сао Паоло. соопшти дека еден од најдобрите светски фудбалери на сите времиња Едсон Арантес до Насименто (81), попознат како Пеле, е пуштен на домашно лекување, откако на почетокот на овој месец повторно беше хоспитализиран поради лекување на тумор на дебелото црево.

Пациентот е во стабилна состојба и ќе продолжиме со лекување на туморот. Сега е пуштен дома – се наведува во болничкото соопштение.

Пеле кон средината на септември беше опериран од тумор на дебелото црево, а потоа беше подложен на хемотерапија.

Тој е единствениот фудбалер во историјата со три титули светски првак (1958, 1962 и 1970), а популарниот „O Реи“ (Крал) во кариерата постигна повеќе од 1.000 голови пред да ги закачи копачките на ѕид во 1977 година.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.