Македонскиот фудбалски репрезентативец, Илија Несторовски заработил повреда на коленото на вчерашниот тренинг за својот клуб Удинезе.

Италијанските медиуми јавуваат дека ситуацијата не е позитивна иако засега не е позната тежината на повредата на „Нестор гол“, а по анализите деновиве ќе се знае точната дијагноза.

Непознаница е дали се работи за истегнување или оштетување на лигаментите на коленото што би можело да го одалечи напаѓачот од терените на подолг период.

Почетокот на дебитантското ЕП за Македонија е во јуни, па стравувањата на домашната јавност се дали Несторовски ќе биде комплетно подготвен да му се стави на располагање на селекторот Игор Ангеловски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.