Навивачите на шпански Ваљадолид се бунтуваа против сопственикот на клубот – легендарниот Бразилец Роналдо.

Еден од најдобрите фудбалери на сите времиња стана сопственик на шпанскиот клуб во 2018 година и им вети на навивачите дека Ваљадолид има светла иднина.

Сепак, работите не одеа како што планираше.

Ваљадолид моментално е во втората лига и катастрофално ја стартуваше новата сезона, тие се наоѓаат на поразителната 18-та позиција на табелата.

Навивачите се бесни, организираа протести пред стадионот и бараат Бразилецот да го напушти клубот.

 

“Пет години лаги. Ние сме на работ на бездната и доста ни е”, велат револтираните навивачи.

 

Роналдо се уште не објавил ништо за тоа.

 

Интересно е тоа што Роналдо го купи бразилскиот Крузеиро во 2021 година и веќе има вложено 70 милиони евра во овој клуб, што дополнително ги налути навивачите на Ваљадолид.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.