Само неколку часа откако медиумите ја објавија одлуката на владата да дозволи тренинзи во Италија, оваа вест беше демантирана. Министерот за спорт на земјата, Винченцо Спадафора, на својот Фејсбук профил напиша дека не постои такво нешто и на тимовите не им е дозволено да тренираат до 18 мај.

Од денес, 4 мај, карантинските мерки во земјава слабеат и неколку екипи соопштија дека наскоро ќе ги продолжат своите колективни активности, иако со некои ограничувања.

– Морам да читам чудни работи во медиумите! Но, што се однесува до фудбалот, работите не се променети и на тимовите не им е дозволено да тренираат во моментот. Барем до 18 мај, напиша италијанскиот министер за спорт на социјалната мрежа.

Шампионатот во Италија беше суспендиран на почетокот на март поради пандемијата на коронавирус



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.