Во Милан се надеваат дека Златан Ибрахимовиќ, Анте Ребиќ и Алесио Ромањоли ќе се опорават и ќе бидат подготвени за дербито со Интер, кое е на 17 октомври.

Шведскиот напаѓач веќе тренира со голема брзина за враќање на терените. Тој нема симптоми по позитивниот тест за коронавирус.

Ребиќ пред 10 дена се здоби со повреда на лактот. Неодамнешните студии покажаа дека нема компликации и неговото закрепнување оди добро. Хрватот се очекува да помине нови тестови следната недела, по што ќе се знае дали ќе може да игра против Интер.

Големи се шансите капитенот Ромањоли да биде на теренот против „нероазурите“, откако тој веќе ги продолжи тренинзите.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.