Менаџерот на Ливерпул, Јирген Клоп ги предупреди навивачите да не очекуваат спектакуларни трансфери во текот на летото. Во последните години тој потроши околу половина милијарда фунти за на својот состав и тоа му донесе освојување на Лигата на Шампионите минатата сезона.

Германецот откри дека не може да си дозволи да троши повторно пари и истакна дека такво нешто може да си дозволат само два клуба – Манчестер Сити и ПСЖ. Во нивно друштво, но со мали отстапки, ги додаде шпанските гиганти Барселона и Реал Мадрид.

Ние сме прилично спокојни на трансфер пазарот и така ќе биде. Како што реков претходно, тоа нема да е најголемиот трансфер прозорец на Ливерпул. Во последните две години инвестиравме многу во тимот, не може да е така секоја година. Луѓето мислат дека туку така можеме да даваме по 200-300 милиони секоја година. Има само два тима кои можат да го прават тоа – Манчестер Сити и ПСЖ. Како што изгледа, истото го можат и Реал Мадрид и Барселона, но не до таа мера. Јас сум многу среќен со тимот со кој располагам. Имам потреба од засилување само на една позиција, но не е задолжително да потпишуваме со играч за неа, рече Клоп.

Досега тој го засили Ливерпул единствено со холандскиот тинејџер Сеп ван ден Берг од Цволе, а наскоро се очекува да биде објавено и привлекувањето на младиот Харви Елиот од Фулам.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.