Договорот на најдобриот фудбалер на Барселона, Лионел Меси истече. Формално, денес, на 1 јули Аргентинецот стана слободен агент.

Шпанските медиуми објавија дека страните се согласија да потпишат нов договор до 2023 година, но продолжувањето на соработката сè уште не е официјално потврдена.

Каталонскиот клуб разговараше за финансиските детали за договорот со Ла Лига и даночната служба за да избегне проблеми во иднина.

Меси е во Барселона од 2000 година. Дебитираше за главниот тим во ноември 2003 година.

Минатата сезона, 34-годишниот фудбалер постигна 30 гола и создаде девет асистенции на 35 натпревари во Ла Лига.

Лионел моментално игра за репрезентацијата на Аргентина на Купот на Америка.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.