Родителите на Илија Ивиќ, првиот Србин кој го прифати повикот да настапува за некоја од фудбалските селекции на Косово, добија отказ од работа, тврди Извршниот комитет на Фудбалскиот сојуз на Косово, јави радио Слободна Европа.

Ова е првиот Србин што ќе игра за Косово

Во информацијата од косовската куќа на фудбалот стои дека „ФСК е потресен од информацијата дека родителите на младиот српски фудбалер, кој игра за приштинскиот клуб Фламуртари, добиле отказ во институциите во кои работеле, а кои ги финансира Србија“.

Како што пренесува Радио Слободна Европа, причина за тоа е што 17-годишниот фудбалер од Грачаница прифатил да игра за младинската селекција на Косово.

ФСК ги повика косовските и меѓународните институции, вклучувајќи ги и УЕФА и ФИФА, да реагираат во „спречување такви дискриминаторски појави“.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.