Еден англиски навивач во Софија починал, неофицијално од предозираност со дрога. Вечерва од 20.45 часот, репрезентациите на Бугарија и Англија играат меч од квалификациите за ЕП 2020, а во главниот град на Бугарија допатуваа неколку илјади Англичани.

Во моментов се врши аутопсија, а според непотврдени информации, причина за смртта е предозираност од наркотични средства.

Според бугарските медиуми кои пренесуваат изјава од полицијата, навивачот колабирал на улица, и со возило на брза помош бил пренесен во болница, но била констатурана смрт. Има и две други пријави за инциденти кои ги правеле Англичаните, а имаше и една тепачка во која еден Англичанец се здоби со скршеница на раката. 

Британските навивачи ја окупираа Софија за денешниот меч.Тие велат дека тука храната е евтина а пивото добро и оти добро се забавуваат.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.