Груевски: Импонира победа во гости против повеќекратен светски и европски првак во фудбал

Честитки за победата на македонските фудбалери против Германија на гостински терен.
Импонира победа во гости против повеќекратен светски и европски првак во фудбал, кој во светски рамки е познат по крајно посветена и квалитетна игра до последната секунда од секој натпревар.
Но повеќе од резултатот импресионира подобрата игра во тој дуел на македонските репрезентативци. Таа игра е гаранција дека ќе има и многу други успеси на овој тим.
Честитки за фудбалерите, стрелците, селекторот и неговата стратегија и целиот стручниот тим.
Честитки и за сите кои учествувале во изградбата на овие фудбалери од нивните најрани клубови и тренери па натаму и сите од фудбалската академија имајќи во обзир дека костурот на тимот се дел од првата генерација на фудбалската академија. Сите тие имаат причина да бидат горди со овие успеси. Но и сите граѓани на Македонија и дијаспората.

Ова е честитката од поранешниот премиер Никола Груевски до македонските дудбалери кои вечерва ја совладаа Германија на гостински терен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.