Македонскиот репрезентативец, Александар Трајковски постигна погодок и забележа асистенција во триумфот на Палермо од 2-1 над Лече во 27. коло од втората лига на Италија.

„Сицилијанците“ привремено се искачија на втората позиција на табелата откако вечерва пред своите фанови ја добија пресметката со Лече.

Александар Трајковски го отвори резултатот, а на Македонецот му беа потребни само 180 секунди да ја затресе противничката мрежа и со прецизен удар по земја од врвот на шеснаесетникот донесе 1-0.

На стартот од вториот дел, Трајковски му асистираше на Пушкаш за 2-0, а пред крајот на мечот гостите стигнаа само до почесен гол преку Табанели во 95. минута.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.