Меѓународната фудбалска асоцијација (ФИФА) соопшти денеска дека суспендирала тројца руски фудбалери поради кршење на антидопинг правилата.

Иван Књазев и Дарија Мешчерјакова се суспендирани на две години, додека на Владимир Обухов му е изречена шестмечна казна.

Обухов доби помала казна, бидејќи го признал кривичното дело и „значително помогнал“ во текот на истрагата во рамки на која, како што е соопштено, ФИФА и Светската антидопинг агенција пронашле „уверливи докази“ за користење метандиедон и фуросемит.

Обухов е член на руската екипа Ростов и е поранешен руски младински репрезентативец, а настапи за младинските селекции има и голманката Мешчерјакова.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.