Поранешната ѕвезда на францускиот фудбал, Николас Анелка, испрати совет до Килијан Мбапе, за натамошниот развој на неговата кариера.

Во порака до својот сонародник објавена во „The Athletic“ Анелка вели дека доколку Мбапе сака секоја година да биде во комбинација за освојување на најголемите клупски и индивидуални титули треба да го напушто Париз.

Ако сакаш да ги добиваш најголемите пофалби треба во еден момент да го напуштитш ПСЖ. Што и да направиш во ПСЖ ќе биде добро, но секогаш некој ќе каже: „Добро, играше одлично во ПСЖ, но тоа е само Франција. Најдобрите лиги се во Англија и во Шпанија што значи дека ти не се натпреваруваше против најдобрите“ – пишува Анелка.

Анелка, кој во текот на кариерата настапуваше и за ПСЖ и за Реал Мадрид, има јасна порака за Мбапе.

Имаш две опции, да останеш во Париз или да заминеш во Реал Мадрид/ Треба да избереш. Ако сакаш да ја освојуваш Златната топка, што е нешто што треба да ти биде цел по Кристијано Роналдо и Лионел Меси, тогаш ќе треба да играш против најдобрите. Француската лига не е слаба, да не бидам погрешно рабран, но мислам дека најтешка лига е таа во Англија. Затоа, ако сакаш да бидеш еден од најдорите прави го тоа што го правиш, но во Челзи, Арсенал, Јунајтед, Сити или Ливерпул. Или оди во Реал Мадрид или Барселона. Или, пак, во Италија. Тогаш ќе може да зборуваме за глобално влијание – вели Анелка.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.