Фудбалерот Огњен Врањеш повеќе не е член на националната фудбалска репрезентација на БиХ. Селекторот Роберт Просинечки уште еднаш се обиде да објасни дека не го отстранил од репрезентацијата, туку дека тоа е резултат од аферата со пејачката Јелена Карлеуша.

Огњен се пожали дека Просинечки го исфрлил без вистинска причина, а наскоро и пристигнал одговор од легендарниот ас.

– Мислам дека веќе зборувавме за овој случај и дека не треба повеќе да нагласува. Можам само да кажам дека Огњен во овој момент е без клуб, со сета афера што е очигледна и јас не сум ја измислил. Додека играше за репрезентацијата, тој го даде својот максимум, и затоа ми е жал, за сето ова. Роберт Просинечки не го избрка од тимот како што сите зборуваа, туку тој сам се избрка – изјави Просинечки.

Огњен Врањеш веќе не тренира ниту со вториот тим на Андерлехт.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.