Близок роднина на заболеното лице од Ковид-19 кое минатата недела, поточно на 26 јули, беше регистрирано во градот, е новото инфицирано лице кое беше регистрирано во Гевгелија во вчерашниот извештај на Министерството за здравство.

Според епидемиологот д-р Сашко Олумчев,со најновиот случај, досега од почетокот на пандемијата во ПЕ на Центарот за јавно здравје во Гевгелија се дијагностицирани вкупно 23 случаи со Ковид-19. Од нив активни се 12 од кои двајца се жители на општина Гевгелија, седум се жители на општина Дојран и тројца се од општина Богданци.

Олумчев посочи дека досега сите случаи на заразени од Гевгелија и регионот биле со лесна симптоматска слика и вирусот го победиле со лекување во домашни услови со помош на инструкции од матичен лекар.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.