Во болниците и домовите за стари лица во австриската покраина Салцбург ќе бидат вработени само оние кои биле вакцинирани против Ковид-19.

Во нашите болници веќе постои де факто обврска за вакцинирање, бидејќи статусот на имунизација се проверува пред вработувањето и вакцините кои недостасуваат мора да бидат примени подоцна, објасни секретарот за здравство и потпретседател на покраината Салцбург, Кристијан Стекл.

Тој принцип, додаде тој во изјавата за виенскиот неделник „Профил“, ќе се применува за време на новото вработување кога ќе се појави вакцината против коронавирус.

Стекл сака задолжителна имунизација против коронавирус не само за болниците и домовите за стари лица, туку и за вработените во градинките и училиштата во Салцбург.

Сепак, не постои можност за воведување на задолжителна вакцинација против коронавирусот за околу 15.000 лица кои во моментов се активно вработени во болници и во домови за стари лица.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.