Од вчерашната бројка на новозаболени од Ковид-19 во земјава, 60 пациенти се од Штип, изјави вчера Министерството за здравство.

Половина од новозаболените се утврдени од скринингот на текстилна компанија, останатите се од четири други штипски конфекции, објави директорката на Центарот за јавно здравје од Штип, Марија Димитрова.

Инаку, инфективното одделение во Штип е веќе исполнето со максимален капацитет за 55 заболени пациенти.

Според директорот на клиничката болница во Штип, Ален Георгиев, се прават огромни напори да се сместат новите заболени од Ковид-19, а веќе примените пациенти со позитивни тестови, но со полесна клиничка слика се пуштаат на домашно лекување и самоизолација за да се обезбеди кревет плус за новите потешко заболени.

Инаку, градот Штип со 868 заразени од коронавирус на 100.000 жители има најголема стапка на заразени во државава.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.