Регистрирани се нови седум смртни случаи од компликации од грип во земјава, стои во неделниот извештај на Институтот за јавно здравје. Починатите се на возраст од 37 до 82 години. Три лица се од Скопје, две од Кичево, и по еден од Ресен и Валандово.

Двајца од починатите претходно немале други заболувања, а петмина имале хронични болести. ИЈЗ не излезе со информација каде биле лекувани заболените и во која здравствена установа умреле.

За неполни два месеци во државата 22 лица починаа од компликации од вирусот.

Годинава во Македонија циркулира така наречениот свински грип, кој лабораториски е потврден и кај најголемиот дел од починатите.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.