Нобеловата награда за медицина годинава им припадна на Харви Алтер (САД), Мајкл Хутон (Велика Британија) и Чарлс Рајс (САД) за откривање на вирусот на хепатит Ц, објави Каролинска институтот во понеделникот во Стокхолм. Благодарение на откритијата направени од тројцата победници, хепатитисот Ц сега може да се излечи, се вели во образложението.

Тројцата научници ја открија причината за случаи на хроничен хепатитис и овозможија крвни тестови и нови лекови кои би спасиле милиони животи.

Наградата се доделува на „тројца истражувачи кои дале значителен придонес во борбата против хепатитисот пренесен во крвта. Болеста е голем глобален здравствен проблем што предизвикува цироза и рак на црниот дроб кај луѓето ширум светот, соопшти Нобеловиот комитет

Највисоката награда за медицински професионалци оваа година изнесува десет милиони шведски круни (околу 950.000 евра), еден милион круни повеќе отколку во претходната година.

Од 1901 година, 219 лица добиле Нобелова награда за медицина, меѓу кои дванаесет жени.

Добитниците на наградите за физика и хемија ќе бидат именувани во вторник и среда. Во четврток ќе биде објавено кој ќе ја добие годинешната Нобелова награда за литература и во петок кој ќе ја добие годинешната Нобелова награда за мир.

Серијата објави на нобеловци завршува следниот понеделник, на 12 октомври, со таканаречената Нобелова награда за економија донирана од шведската Рајхсбанк.

Свеченото доделување на сите награди традиционално се случува на 10-ти декември, на годишнината од смртта на донаторот Алфред Нобел.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.