Првите два случаи на дечиња заболени со морбили се регистрирани и во Гевгелија, потврди денеска епидемиологот Сашко Олумчев од подрачната единица на Центарот за јавно здравје во Гевгелија, појаснувајќи дека тие се испратени веднаш на натамошно третирање на Инфективната клиника во Скопје.

На територијата на општина Гевгелија, според доктор Олумчев, се регистрирани 163 невакцинирани деца против мали сипаници и оти на нивните родители им се испратени покани да ги донесат децата на вакцинирање.

За период од изминативе три недели вакциниравме 52 дечиња и очекувам дека до крајот на идниот месец ќе завршиме со вакцинирање на сите регистрирани невакцинирани деца на територијата на општина Гевгелија – рече доктор Олумчев.

Во градинките во Гевгелија нема да се примаат невакцинирани деца, а таа мерка ќе продолжи да се применува и по завршувањето на епидемијата.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.