Државниот здравствен и санитарен инспекторат нема ингеренции за земање брисеви од супермаркетите. Единствената превенција е личната свесност и одговорност на граѓаните, а дел од одговорноста е на правните субјекти кои стопанисуваат со објектите, изјави денеска директорката на Државниот здравствен и санитарен инспекторат Иринка Сотирова.

Одговарајќи на новинарско прашање по прес-конференцијата на Инспекцискиот совет, Сотирова апелираше да се почитуваат препораките од Владата.

Државниот здравствен и санитарен инспекторат нема ингеренции за земање брисеви од овие места. Единствената превенција што ја повторуваме и ќе ја повторуваме е личната одговорност и свесност на граѓаните што значи почитување на препораките на Владата, дадени претходно како препораки од Комисијата за заразни болести. Дел од одговорноста од сферата на овие прашања носи и правниот субјект кој стопанисува со тие објекти, рече Сотирова, во одговорот на прашањето дали ДЗС зема примероци за присуство на коронавирусот од супермаркетите.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.