Министерот за здравство Венко Филипче потврди дека утрово на Инфективната клиника во Скопје починал познатиот музичар, композитор и тв-водител Драган Вучиќ (65) како последица од ковид-19.

Тој беше хоспитализиран пред осум дена откако состојбата му се влошила. Оттогаш е лекуван на оделението за интензивна нега. И покрај сите напори на лекарите и целиот стручен тим, Вучиќ со многу тежок наод на белите дробови, за жал, му подлегнал на вирусот. Упатувам искрено сочуство до семејството и блиските, објави Филипче на страницата на Фејсбук.

Досега од ковид-19 во Македонија починаа 84 лица.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.