Ги преземаме сите мерки против коронавирус, тројцата заразени работници не се поврзани меѓу себе, изјавија денеска за МИА од германската фабрика „Дрекслмајер“, по информациите дека трет работник од компанијата е позитивен на вирусот Ковид-19.
Постојано сме во контакт со епидемиологот и надлежните институции, сите мерки пропишани од надлежните се преземаат во работната околина, плус дополнителни мерки за превенција и заштита. Ние дури проверуваме и дали работниците кои се во самоизолација ги почитуваат препораките, се со цел да не се движат наоколу и несакајќи да бидат ризик за другите, појаснија од фабриката со околу шест илјади вработени од повеќе општини, најголем работодавач во државата.
Оттаму нагласија дека сите од работното опкружување на работникот, трет случај позитивен на вирусот, се испратени во двонеделна самоизолација. Посочија дека просториите редовно се дезинфицираат и се носи заштитна опрема. Сите три случаи не биле поврзани меѓу себе и најверојатно се заразиле во нивното приватно опкружување.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.