Смрдеата која се шири во базените ниту е нормална ниту, пак, доаѓа од хлорот. Во соблекувалните на базените со причина стои натпис дека се препорачува туширање пред пливање.

Иако ретко кој пропушта туширање по посета на базен, исто толку ретко кој го забележува предупредувањето да влезе во базенот истуширан. Сепак, треба да знаеме дека правилото за туширање пред влез во базен постои со причина.

А причина за тоа е – нитроген. Кога нитрогенот ќе се помеша со хлор во базенот, се формира хлорамин кој е проблематичен од две причини.

Првата е што хлорот се врзува за него, наместо да не штити од бактерии во базенот. Иако хлорот и натаму успеава да уништи поголем дел од бактериите, за жал оние кои преживуваат, ако ги проголтаме или вдишиме за време на пливање, може да предизвикаат една од 10.000 болести колку годишно се бележат меѓу Американците кои ги посетуваат базените.

Ако не се туширате пред да влезете во базен, во него внесувате се` што се наоѓа на вашата кожа, раскажува епидемиологот Мишел Хлавс.

Тоа вклучува природни масти на кожата, пот, козметика и останати производи за лична хигиена, урина и остатоци од фекалии.

Другата загрижувачка причина е фактот што хлораминот е причината поради која базените мирисаат така како што мирисаат.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.