Американскиот Центар за контрола на болести (ЦДЦ) денес објави дека граѓаните кои примиле две дози на вакцината не мора да бидат во карантин доколку се во контакт со заразени со коронавирус, пренесува Си-Ен-Ен.

„Луѓето кои примиле две дози вакцина и ги исполнуваат критериумите повеќе нема да мора да бидат во карантин по контакт со заразените“, соопшти ЦДЦ.

Споменатите критериуми се примање на вакцината, но само три месеци по вакцинирањето. Според ЦДЦ, заштитата обезбедена од вакцината против коронавирус може да престане по три месеци, па затоа се препорачува карантин.

Дури и оние кои биле вакцинирани треба да обрнат внимание на можни симптоми 14 дена по сомнителен контакт.

„И вакцинираните лица мора да се грижат за сопствената заштита, да носат маски, да држат дистанца, да избегнуваат гужви и да одржуваат лична хигиена“, се вели во соопштението на ЦДЦ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.