„Аглио Ким“, робот сличен на количка, кој користи вештачка интелигенција, доставува храна до посетителите на ресторан во Сеул, со цел да се минимизира човечкиот контакт и да се обезбеди социјално дистанцирање.

Набргу откако клиентите порачаа преку екран на допир на масата, робот висок 1,25 метри, развиен од јужнокорејската телекомуникациска компанија KT Corp, ја носи храната и ги користи своите визуелни можности SLAM (симултана локализација и мапирање) за да избегне пречки и да се движи околу посетителите.

Роботот може да достави храна до четири маси одеднаш, изјави лидерот тимот кој работеше на роботот, Ли Јанг-Џин, за Ројтерс.

Роботот е опремен со тацна за храна што може да носи до 30 килограми и ЛЦД-екран и звучник преку кој комуницира на корејски и на англиски јазик.

Клиентите сметаат дека роботот служи прилично уникатно и интересно, а исто така се чувствуваат безбедни од коронавирусот, рече Ли Јанг-хо, менаџер во ресторанот кој го тестира роботот овој месец.

Од понеделник, рестораните и кафулињата во густо населената област Сеул имаат право да отворат по 21 часот, но мора да остават растојание од два метри меѓу масите и да ги запишат имињата на посетителите и деталите за контакт.

Корејската агенција за контрола и превенција на болести објави  106 нови случаи на корона вирус заклучно со петокот, со што вкупниот број на инфекции се искачи на 22.391 со 367 смртни случаи.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.