Погребот на Драган Вучиќ, познатиот пејач, водител и телевизиско лице, кој денеска ја изгуби битката со корона вирусот ќе биде извршен утре, во 13 часот, на Градските гробишта, информираат од неговото семејство.

Неговото тело од 12 до 13 часот ќе биде изложено на отворено на градските гробишта.

Од семејството додаваат дека ќе бидат испочитувани сите заштитни мерки и препораки поврзани со пандемијата со корона вирусот. За сите што сакаат да му оддадат последната почит, улицата ќе биде затворена од 12 до 14 часот за да можат да се движат соогласно мерките.

Вучиќ почина на Инфективната клиника, на која се лекувал осум дена. Министерот за здравство Венко Филипче, денеска појасни дека Вучиќ бил хоспитализиран на одделението за интензивна нега, откако состојбата му се влошила. Посочи и дека имал многу тежок наод на белите дробови.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.