Времето во земјата денеска ќе биде облачно со врнежи од дожд, кои пообилни ќе бидат во северните и северозападните делови каде локално се очекува да наврнат и над 30 л/м2. Врнежите повремено ќе бидат поројни, проследени со засилен ветер, кој на места ќе достигнува брзина и над 70 км/час.

Минималната температура ќе биде во интервал од 1 до 7, а максималната ќе достигне од 5 до 13 степени.

Во Скопје, времето ќе биде облачно со пообилни, повремено поројни врнежи од дожд, особено претпладне. Минималната температура ќе се спушти до 3, а максималната ќе достигне 6 степени.

Облачно време со врнежи од дожд на места пообилни и поројни, проследени со засилен ветер, ќе се задржи и утре. Поради продор на постудена воздушна маса од север од вторник се очекува заладување со врнежи од снег на планините, а на некои повисоки места врнежи од дожд и снег.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.