Сообраќајот на државните патишта се одвива по наместа влажни коловози, а слаб снег провејува на Попова Шапка и Маврово, на патните правци Крива Паланка-ГП Деве Баир и Гостивар-Кичево преку планинскиот премин Стража, информираат од АМСМ.

Во извештајот од 18 часот на АМСМ информираат дека останува забраната за тешки товарни возила на патните правци крак Маврово-Дебар и Гостивар-Кичево преку планинскиот премин Стража.

Виадукт Трејд известуваат дека денеска и утре ќе се започне со изведување на градежни активности на Експресен пат А3, делница Велес-Кадрифаково (во близина на раскрсница Овче Поле) за што ќе се изврши промена на режимиот на работа на сообраќај согласно Одобрението за времен режим на сообраќај и согласно Основен сообраќаен проект за режимот на сообраќај за време на поставување на индукативни јамки на дел од државни патишта на територија на Република Македонија.

Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата, се наведува во соопштението од АМСМ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.