Расчистен е одронот на патот Маврово-Дебар и сообраќајот на оваа делница е нормализирана, информираат од АМСМ.

Утринава, како што претходно соопштија од АМСМ,  поради големи одрони на патот сообраќајот беше во прекин за сите видови возила во двата правци.

Од АМСМ ги порсетуваат возачите дека од 15.11.2020 година почна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2021 година.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.