Падна првиот снег во Охрид и во Битола

Последниот ден од ноември го донесе и првиот снег, иако календарски зимата сè уште не започналa.

Поради продор на студена воздушна маса претпладнево дува засилен северен ветер, а врнежите од дожд во Битола и во Охрид преминаа во снег.

Според УХМР, поради разведрувањето во среда и четврток утринските температури насекаде ќе бидат негативни.

Од 9:40 часот утрово, пак, поради временските услови, од АМСМ информираат дека забранет е сообраќајот за тешки товарни возила на патниот правец Битола – Ресен преку планинскиот премин Ѓавато.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.